Бүгін Алматы облысына қарасты Кеген ауданы Ақай Нүсіпбеков атындағы ауылда «Құсбегілік» ұлттық спорт түрінен Сәрсенбек Дәулетбақовты еске алуға арналған «САЛБУРЫН-2023» халықаралық турнирі басталды.

Жарысқа Қазақстан, Моңғолия және Қытайда ұлттық спорт түрін насихаттап жүрген жүзге жуық азамат қатысып жатыр.

Жалпы 55 бүркіт, 14 қаршыға және 11 ителгі тіркеуден өтті. Қатысушылар өзара бүркітті қоянға салу, қаршығаны кептерге салу, шырғаға тарту, ителгіні далбайға ойнату сияқты сайыс түрлерінен бақтарын сынайтын болады.