Елімізде «САЛБУРЫН-2023» халықаралық турнирі басталды
13 октября, 2023
«Қансонар-2023» халықаралық турнирінің алғашқы күні қалай өтті?
27 октября, 2023
Бүгін Ақмола облысы, Көкшетау қаласы, Красный Яр ауылындағы «Құлагер» ипподромында атақты бүркітші Мәсіп Батырханұлын еске алуға арналған «Құсбегілік» ұлттық спорт түрінен «Қансонар-2023» халықаралық турнирі өз жалауын көтермек. Дүбірлі додаға 5 мемлекеттен және еліміздің 9 облысы мен 1 қаласынан келген 100-ге жуық спортшы қатысады.
Жарысқа қатысатын құстардың арасында 11 ителгі, 8 қаршыға, 44 бүркіт бар.
Бүркіт, қаршыға, ителгі құстары түрлерінен сайысқа түсетін спортшылар тіркеуден өтіп, дәстүрлі түрде өткізіліп келе жатқан халықаралық турнирде өз бақтарын сынайтын болады. Алғашқы жарыс күнінің нәтижелерін күтіңіздер…
Айта кетерлігі, «Құсбегілік» Федерациясы» РҚБ-нің Бас серіктесі – «Самұрық Қазына» ҰӘҚ» АҚ, серіктесі – «Туризм индустриясы мен спортты қолдау қоры» КҚ, сонымен бірге ҚР Спорт және туризм министрлігі, Ақмола облысы әкімдігі, Ұлттық спорт қауымдастығы, Ат спорты түрлері орталығы.
