Құсты ат үстінде балдақпен алып жүруге мүмкіндік болмағанда немесе алыс сапарға құсты шаршатпай жеткізу үшін құндақ әдісі қолданылады.

Құсты құндақтаудың түрлері:

Арнайы тігілген құндақ.  Құсты көшкенде немесе алыс сапарға шыққанда алып жүру үшін жұмсақ, жылы киізден құстың көлеміне шақтап тігіледі

Уақытша құндақ. Арнайы тігілген құндақ болмаған жағдайда құсбегілер жылы, жұмсақ бұйымнан тігілген жаялықты немесе шапанын, аттың жабуын пайдаланады

Заманауи құндақ. Қазіргі уақытта құсты көбінде көлікпен, пойызбен немесе ұшақпен алып жүретіндіктен құс салуға арналған, ауа молынан кіретін, құс тұмсығын, аяқтарын шығарып алмайтын арнайы ыңғайлы жабдық пайдаланылады