Талдықорған қаласында өткен құсбегіліктен «Жетісу Салбурыны – 2025» республикалық турнирі өз мәресіне жетті. Үш күнге созылған додада еліміздің түкпір-түкпірінен жиналған құсбегілер нағыз шеберліктің үлгісін көрсетті.

Атап өтсек, Астана, Алматы қалаларынан, сондай-ақ Алматы, Абай, Атырау, Жамбыл, Жетісу, Қарағанды және Шығыс Қазақстан облыстарынан үздік спортшылар бас қосты. Жалпы, турнирге 51 бүркіт, 7 ителгі және 15 қаршыға қатысты.

Жарыстың алғашқы күні бүркіт құстарының бәсекесімен басталды. Ал сайыстың екінші күні қаршыға мен ителгілердің сынға түсуімен жалғасты.

«Жетісу Салбурыны – 2025» республикалық турнирінің жеңімпаздары

Бүркіт салудан:
1 орын — Кушкаров Арман (Атырау облысы)
2 орын — Сейітжан Алмас (Алматы облысы)
3 орын — Сейітжан Бексұлтан (Алматы облысы)

Ителгі салудан:
1 орын — Оспанқұлов Таңат (Қарағанды облысы)
2 орын — Әбдікерім Түсей (Жетісу облысы)
3 орын — Есентаев Сұлтансері (Алматы қаласы)
3 орын — Серікбекұлы Ерасыл (Астана қаласы)

Қаршыға салудан:
1 орын — Бабажан Берікболсын (Жамбыл облысы)
2 орын — Сейітжан Аян (Алматы облысы)
3 орын — Бабажан Бақдәулет (Жамбыл облысы)
4 орын — Қуанышбаев Бекнияз (Алматы облысы)

Айта кетейік, бұл турнирдің өтуіне Республикалық Құсбегілік Федерациясының Бас серіктесі – «Самұрық Қазына» ҰӘҚ» АҚ, сондай-ақ, ҚР Туризм және спорт министрлігі, Жетісу облысының әкімдігі, «Туризм индустриясы мен спортты қолдау қоры» КҚ және ҚР Ұлттық спорт қауымдастығы атсалысуда.