5-сынып оқушысы Зайнап Искакова «Зерде» республикалық ғылыми жобалар байқауында «Отбасымның саятшылық өнері» жұмысын қорғап, І-орынға ие болды

Искакова Зайнап Бекболатовна, Ақсу қаласының Абай атындағы жалпы орта білім беретін мектептің 5 «Е» сынып оқушысы. Ол көпбалалы отбасында өсіп, тәрбиеленуде. Әкесі – атақты құсбегі. Анасы – бала тәрбиесімен айналысады.

Зайнаптың мектепте үлгерімі өте жақсы. Үлкен жетістіктерге жетіп, бірнеше пәндік байқаулардың жүлдегері атанды. Сондай-ақ «Домбыра» сыныбы бойынша музыка мектебінде оқиды.

Әкесімен және ағаларымен бірге құсбегіліктен аймақтық және республикалық жарыстарға барады.