Байрақты бәсекеде елімізді республикалық чемпионаттардың жүлдегерлері, халықаралық турнирлердің жеңімпаздары атанған 9 үздік құсбегі таныстырады. Ұлттық құрама сапындағы  бүркіт, қаршыға және ителгі құстары бойынша сайысқа түсіп, Қазақстанның құсбегілік өнеріндегі биік деңгейін көрсетуді мақсат етеді.

Мәртебелі додаға дайындық барысында ұлттық құрама сапындағы құсбегілер жыл басынан бері Алматы қаласы мен Ақмола облысында екі оқу-жаттығу жиынын өткізіп үлгерді. Ал қазір 3-ші оқу-жаттығу жиыны Астана қаласында өтіп жатыр. Бұл жиындар спортшылардың шеберліктерін шыңдап, құстардың дайындығын күшейтуге бағытталған.

Атап өтсек, 5-ші Дүниежүзілік көшпенділер ойындары қарсаңында Республикалық Құсбегілік федерациясының Президенті Берік Уәли ұлттық құрама спортшыларының қатысуымен жиналыс өткізген болатын.  Басқосуда жаһандық додада еліміздің намысын қорғайтын құсбегілердің дайындығы пысықталды.

Сонымен қатар, Берік Уәлидің төрағалығымен өткен жиында медальдік міндеттемелер мен қосымша сыйақы мөлшері жарияланды.

Белгілі болғандай, V Дүниежүзілік көшпенділер ойындары дирекциясының атынан жеке спорт түрлерінде жеңімпаздар – бірінші орын үшін 500 мың теңге, екінші орын иеленгендер – 300 мың теңге, қола жүлдегер – 200 мың теңгеден алады. Бұдан бөлек, дүбірлі додада құсбегіліктен Қазақстан қоржынына медаль салған ұлттық құрама мүшелеріне Федерация президентінің атынан арнайы сыйақы берілетіні айтылды. Яғни, бірінші орын үшін – 1 000 000 теңге, 2-орынға – 500 000 теңге, 3-орынға – 300 000 теңге бәйге тігіліп отыр.

Естеріңізге сала кетсек, «Құсбегілік» спорт түрінен жарыс қыркүйектің 12-13 күндері Астананың этноауыл аумағында өтеді.

5-ші Дүниежүзілік көшпенділер ойындарында ел абыройын қорғайтын құсбегіліктен ұлттық құрама спортшылары

Бүркіт құсы бойынша:

—  Серікбек Күнтуған – Астана қаласы

ІІІ Дүниежүзілік көшпенділер ойындарының қола жүлдегері;

«Құсбегілік» ұлттық спорт түрінен Қазақстан Республикасының чемпионы – 2019 жыл;

Мәсіп Батырханұлы атындағы халықаралық турнир чемпионы – 2023 жыл;

ҚР ҰСТ фестивалінің чемпионы – 2023 жыл

—  Арман Қошқаров – Атырау облысы

«Құсбегілік» ұлттық спорт түрінен Қазақстан Республикасы чемпионатының күміс, қола жүлдегері  – 2019, 2023, 2024 жылдар;

Ұлттық спорт фестивалінің жеңімпазы – 2023 жыл

—  Ерзат Байқадамов– Абай облысы

«Құсбегілік» ұлттық спорт түрінен Қазақстан Республикасы чемпионатының күміс жүлдегері – 2023 жыл

Қаршыға құсы бойынша:

—  Дәурен Аршабай – Түркістан облысы

Әлем чемпионатының күміс жүлдегері – 2023 жыл;

«Құсбегілік» ұлттық спорт түрінен Қазақстан Республикасының чемпионы – 2020,2023 жылдар

—  Бағдат Кеуенов – Түркістан облысы

Әлем чемпионатының қола жүлдегері – 2022 жыл;

«Құсбегілік» ұлттық спорт түрінен Қазақстан Республикасы чемпионатының жүлдегері – 2022, 2023 жылдар

—  Құдайберген Рауилұлы – Астана қаласы

«Құсбегілік» ұлттық спорт түрінен Қазақстан Республикасы чемпионатының қола жүлдегері – 2023, 2024 жылдар;

«Бүркіт тойы» халықаралық турнирінің күміс жүлдегері – 2022 жыл;

ҚР ҰСТ фестивалінің қола жүлдегері – 2019 жыл

Ителгі құсы бойынша:

—  Ерлан Кенжетаев – Ақмола облысы

«Құсбегілік» ұлттық спорт түрінен Қазақстан Республикасы чемпионатының 3 дүркін чемпионы – 2019, 2020, 2022 жылдар;

Халықаралық турнирлердің күміс, қола жүлдегері – 2019, 2023 жылдар

—  Бақдәулет Бабажан – Жамбыл облысы

Азия чемпионатының қола жүлдегері – 2018 жыл;

«Құсбегілік» ұлттық спорт түрінен Қазақстан Республикасы чемпионатының күміс жүлдегері – 2021, 2023 жылдар

—  Ибрагим Базарбаев – Түркістан облысы

«Құсбегілік» ұлттық спорт түрінен Қазақстан Республикасы чемпионатының 4 дүркін қола жүлдегері – 2020, 2021,2022,2023 жылдар;

«Құсбегілік» ұлттық спорт түрінен Қазақстан Республикасының чемпионы – 2024 жыл

Ұлттық спорт ұландарына жарқын жеңістер мен сәттілік тілейміз және олардың ұлттық өнерімізді әлемдік аренада жоғары деңгейде таныстыратынына сенімдіміз!