Шығыс Қазақстан Облысы, Ұлан ауданы, Бозанбай ауылында «ШЫҒЫС САЛБҰРЫНЫ— 2024 халықаралық құсбегілер сайысы жалғасуда.

Мандаттық комиссия отырысы қарсаңында өткен жеребеге сәйкес қазақстандық спортшылар тізімі белгілі. Бүгін 11 қазан, күні бойы іріктеу, жартылай финалдық турлар болса. Ертең яғни 12 қазан күні финал және үздіктерді марапттау рәсімі өтпек

«ШЫҒЫС САЛБҰРЫНЫ— 2024 халықаралық турнирінде ел намысын келесі спортшылар қорғайды:

Бүркіт баптағандар: Бердымурат Олжас (Алматы облысы), Кенжетаев Ерлан (Ақмола облысы), Ерғазыұлы Сәлімхан (Жетісу облысы), Күнтуган Серікбек (Астана қаласы)

Қаршыға құсы бойынша: Жанбырбек Бердияр, Бабажан Берікболсын (Жамбыл облысы), Бәйетбай Ермухан (Алматы облысы), Серікбекұлы Ерасыл (Астана қаласы)

Ителгі құсы бойынша: Иманзайып Ермек (Павлодар облысы), Төлегенұлы Темірлі, Оспанкулов Танат (Қарағанды облысы)

Жарысқа Қазақстан, Қырғызстан, Ресей, Моңғолия, Мажарстан, Қытай сынды елдерден барлығы 90-ға жуық саятшы бақ сынауда.

Республикалық «Құсбегілік» федерациясында жарысқа қатысушылардың географиясы үнемі өсіп келе жатқаны атап өтіледі, өйткені әдемі және ең көне көшпелі дәстүрлердің бірін жаңғырту жұмыстары күллі әлемде өзіне баса назар аударуда.

Айта кетейік, «Құсбегілік» Федерациясы» РҚБ-нің Бас серіктесі – «Самұрық Қазына» ҰӘҚ» АҚ, серіктесі – «Туризм индустриясы мен спортты қолдау қоры» КҚ

Отандық спортшыларға сәттілік тілейміз!