Шығыс Қазақстан облысы Ұлан ауданында өтіп жатқан «ШЫҒЫС САЛБҰРЫНЫ— 2024 халықаралық турнирі кезінде қазақтың құсбегілік өнерін әлемге танытып жүргені үшін, тарихтағы ең жас құсбегі атанған Айшолпан Нұрғайып қарындасымызға шығыс қазақстандықтардың атынан, өңір басшысы Ермек Беделбайұлы Өскемен қаласынан екі бөлмелі пәтердің кілтін сыйлады.

2 күнге созылған халықаралық турнирде 90-ға жуық спортшы Қазақстан, Ресей, Моңғолия, Қырғызстан, Мажарстан, Қытай сынды елдерден келген құсбегілік өнердің үздіктері бақ сынады

Жарыс барысында 30 шақты киіз үй тігіліп, 5000-ға жуық көрермен сайысқа көзайым болды. ШҚО әкімі Ермек Беделбайұлы жарыстың финалдық бәсекесін тамашалап, жеңімпаздарды марапаттады.

Айта кетейік, «Құсбегілік» Федерациясы» РҚБ-нің Бас серіктесі – «Самұрық Қазына» ҰӘҚ» АҚ, серіктесі – «Туризм индустриясы мен спортты қолдау қоры» КҚ