Бүгін құсбегіліктен Мәсіп Батырханұлы атындағы халықаралық «Қансонар» турнирі Ақмола облысы, Біржан сал ауданында жалауын желбіретті. Мандаттық комиссияның отырысы өтіп, қатысушылар тіркеліп, сайыстағы реттіліктері анықталды.

Тіркеуден жалпы саны 3 мемлекеттен (Қырғызстан, Мажарстан, Монғолия) еліміздің 2 қаласынан (Астана, Алматы) және 9 облысынан (Атырау, Ақтөбе, Ақмола, Алматы, Жамбыл, Қарағанды, Павлодар, ШҚО, СҚО) келген қатысушылар өтті. Олар құстың 3 түрі бойынша жарысқа түседі. Бүркіт баққан – 59 спортшы, қаршыға қондырған – 12 құсбегі келсе, ителгі әкелгендердің саны 16.

«Қансонар» турнирінің қатысушыларына сәттілік тілейміз!

📌Айта кетейік, бұл турнирдің өтуіне «Құсбегілік» Федерациясы» РҚБ-нің  Бас серіктесі – «Самұрық Қазына» ҰӘҚ» АҚ, сондай-ақ, ҚР  Туризм және спорт министрлігі, «Туризм индустриясы мен спортты қолдау қоры» КҚ атсалысуда.