Бурабайдың бауыр айында өтіп жатқан Мәсіп Батырханұлы атындағы халықаралық «Қансонар» турнирі жалғасуда.

Сайыстың алғашқы күнінде қолына бүркіт қондырған құсбегілер сынға түсті.

Қырғыз, Мажар, Моңғол бүркітшілерімен бірге еліміздің 11 өңірінен келген 59 құсбегі баптаған құстарын ұшырды.

Алғашқы сайыс күнінің қорытындысы бойынша бүркіт баққан құсбегілер арасында атыраулық Арман Қошқаров жеңіске жетті.

Астана қаласынан келген Ерасыл Серікбекұлы екінші орынға табан тіресе, Жамбыл облысынан келген Серікболсын Жалғасұлы үшінші орынды місе тұтты.

Айта кетейік, бұл турнирдің өтуіне «Құсбегілік» Федерациясы» РҚБ-нің  Бас серіктесі – «Самұрық Қазына» ҰӘҚ, АҚ, сондай-ақ ҚР  Туризм және спорт министрлігі, Ақмола облысының әкімдігі және «Туризм индустриясы мен спортты қолдау қоры» КҚ қолдау көрсетті.